Month: January 2020

ད་རེས་དྲོ་པ་ཚོགས་ཡོད་པའི་ རྒྱལ་ཡོངས་དགའ་སྐྱིད་དཔལ་འཛོམས་ལྷན་ཚོགས་ཀྱི་ཞལ་འཛོམས་ཐེངས་ ༤ པའི་གཙོ་དོན་ཚུ། ༡༽ དྲི་ཇིག་ཀྲལ་འབྲུག་ཡུལ་གྱི་ གཙོ་རིམ་ལས་རིམ་གུར་མཚན་རྟགས་བཀོད་ནི། ༢༽ ཕོ་མོ་འདྲ་མཉམ་གྱི་ རྒྱལ་ཡོངས་ཀྱི་སྲིད་བྱུས་ཆ་འཇོག་མཛད་ནི། ༣༽ འབྲུག་གི་ གནས་གཤིས་འགྱུར་བའི་སྲིད་བྱུས་ཆ་འཇོག་མཛད་ནི།

སྤྱི་ཚེས་ ༣/༠༡/༢༠༢༠ ལུ་ རྒྱལ་ཡོངས་དགའ་སྐྱིད་དཔལ་འཚོམས་ལྷན་ཚོགས་ཀྱི་མདོ་ཆེན་ ངོམ་ རིན་ཆེན་དབང་འདུས་དང་འབྲུག་ལུ་ཇཱ་པཱན་གཞུང་གི་སྐུ་ཚབ་ཡིག་ཚང་ལས་ གཙོ་འཛིན་ངོ་ཚབ་ ངོམ་ ཀོ་ཟོ་ ཝ་ཏ་ན་སྦི་གཉིས་ཀྱི་བར་ན་ རྒྱལ་ཡོངས་གནས་བསྡུད་ཀྱི་གཞི་རྟེན་མཐུན་རྐྱེན་བརྒྱུད་དེ་ ས་ཆ་ས་ཆ་གནས་སྟངས་ཀྱི་བརྡ་དོན་ཡར་དྲགས་བཏང་ནི་དང་ལག་ལེན་འཐབ་ནི་ཟེར་བའི་ལས་འགུལ་གྲོས་བསྡུར་གྲོས་ཆོད་གུར་མཚན་རྟགས་བཀོལ་གནང་ཡི། གྲོས་བསྡུར་གྲོས་ཆོད་གུར་མཚན་རྟགས་བཀོལ་གནང་བའི་རྒྱལ་ཡོངས་ས་ཆ་ལྷན་ཚོགས་ཀྱི་དྲུང་ དྲགོས་པདྨ་ཚེ་དབང་ཡང་བཞུགས་འདི་འདུག ། ལས་འགུལ་གྱི་དམིགས་ཡུལ་ངོ་མ་ར་ སྒེར་གྱི་ལས་སྡེ་ཚུ་བརྩིས་ཏེ་ རྒྱལ་ཡོངས་གནས་བསྡུད་ཀྱི་གཞི་རྟེན་མཐུན་རྐྱེན་བརྒྱུད་དེ་ འབྲེལ་ཡོད་ལས་སྡེ་ཚུ་ལུ་བློ་གཏད་ཚུགསཔ་དང་ཁ་གསལ་ཡོད་པའི་ས་ཆའི་གནས་སྟངས་ཀྱི་བརྡ་དོན་ཚུ་ བྱིན་ནི་འདི་ཨིན། རྒྱལ་ཡོངས་གནས་བསྡུད་ཀྱི་གཞི་རྟེན་མཐུན་རྐྱེན་འདི་ཡང་ འཕྲུལ་རིག་ སྲིད་བྱུས་ གནས་ཚད་དང་ མཁོ་འདོད་དང་འཁྲིལ་ཏེ་མི་སྟོབས་བཙུགས་ནི་ བྱ་རིམ་ མཛོད་ཁང་ བཀྲམ་སྤེལ་དང་ས་ཆ་གནས་སྟངས་ཀྱི་གནས་བསྡུད་ལག་ལེན་འཐབ་ཐངས་ཚུ་ཡར་དྲགས་བཏང་ཐབས་ཀྱི་དོན་ལས་ཨིན། ལས་འགུལ་གྱི་དོ་ལུ་གྲུབ་འབྲས་གཉིས་ཡོད།: ༡. རྒྱལ་ཡོངས་གནས་བསྡུད་ཀྱི་གཞི་རྟེན་མཐུན་རྐྱེན་འདི་ལག་ལེན་འཐབ་ནི་དང་ཡར་དྲགས་བཏང་ནིའི་དོན་ལས་ལག་ལེན་འཆར་གཞི་དང་ལག་ལེནའཐབ་ཐབས་ལུ་ལྕོགས་གྲུབ་གོང་འཕེལ་བཏང་ནི། ༢. ས་ཆའི་གནས་སྟངས་ཀྱི་ས་ཁྲ་ལག་ལེན་ དུས་མཐུན་བཟོ་ནི་དང་འཛིན་སྐྱོང་གི་དོན་ལུ་ ལྕོགས་གྲུབ་གོང་འཕེལ་བཏང་ནི།