འཆར་གཞི་འགོ་དཔོན་ ཞིབ་འཚོལ་འགོ་དཔོན་དང་ཞིབ་རོགས་བལྟ་རྟོགས་དང་འགོ་འདྲེན་འགོ་དཔོན་གྱི་དོན་ལུ་ གདམ་འཐུའི་དྲི་བ་དྲིས་ལན་གྱི་ཚེས་གྲངས་གསལ་བསྒྲགས་འབདཝ་ཨིན།

རྒྱལ་ཡོངས་དགའ་སྐྱིདདཔལ་འཛོམས་ལྷན་ཚོགས་ཁ་ཐུག་ལས་ འཆར་གཞི་འགོ་དཔོན་ ཞིབ་འཚོལ་འགོ་དཔོན་དང་ཞིབ་རོགས་བལྟ་རྟོགས་དང་འགོ་འདྲེན་འགོ་དཔོན་གྱི གདམ་འཐུའི་དྲི་བ་དྲིས་ལན་འདི་ འོག་ལུ་འཁོད་དེ་ཡོད་མི་ཚེས་གྲངས་དང་ས་སྒོ་ཚུ་གསལ་བསྒྲགས་འབདཝ་ཨིན།

ཨང་གྲངས། གོ་གནས་ཀྱི་དོན་ལུ་གདམ་འཐུའི་དྲི་བ་དྲིས་ལན། ཟླ་ཚེས། ས་སྒོ། དུས་ཚོད།
རྒྱལ་ཡོངས་དགའ་སྐྱིད་དཔལ་འཛོམས་ལྷན་ཚོགས་ཀྱི་ཡིག་ཚང་གི་དོན་ལུ་ འཆར་གཞི་འགོ་དཔོན། ༢༢/༦/༢༠༢༠ མདོ་ཆེན་གྱི་ཞལ་འཛོམས་ཁང་ནང་ལུ། ༩ ལས་ ༥ ཚུན།
རྒྱལ་ཡོངས་དགའ་སྐྱིད་དཔལ་འཛོམས་ལྷན་ཚོགས་ཀྱི་ཡིག་ཚང་གི་དོན་ལུ་ ཞིབ་འཚོལ་འགོ་དཔོན། ༢༣/༦/༢༠༢༠ མདོ་ཆེན་གྱི་ཞལ་འཛོམས་ཁང་ནང་ལུ། ༡༠:༣༠ ལས་ ༡༡ ཚུན།
ཐིམ་ཕུ་རྫོང་ཁག་གི་དོན་ལུ་ འཆར་གཞི་འགོ་དཔོན། ༢༣/༦/༢༠༢༠ མདོ་ཆེན་གྱི་ཞལ་འཛོམས་ཁང་ནང་ལུ། ༡༡ ལས་ ༡ ཚུན།
ལྷུན་རྩེ་རྫོང་ཁག་གི་ ཞིབ་རོགས་བལྟ་རྟོགས་དང་འགོ་འདྲེན་འགོ་དཔོན། ༢༣/༦/༢༠༢༠ མདོ་ཆེན་གྱི་ཞལ་འཛོམས་ཁང་ནང་ལུ། ༢ ལས་ ༥ ཚུན།

དེ་འབདཝ་ལས་བརྟེན་ཏེ་ རང་སོའི་གོ་གནས་ཀྱི་དོན་ལུ་ ཞུ་ཡིག་བཙུགས་ཏེ་ཕྱི་སེལ་གྲུབ་མི་ཚུ་ གོང་གི་ས་སྒོ་དང་ཚེ་གྲངས་ལུ་ གདམ་འཐུའི་དྲི་བ་དྲིས་ལན་གྱི་དོན་ལུ་གཤམ་འཁོད་ཡིག་ཆས་ངོ་མ་ཚུ་འབག་སྟེ་འབྱོན་གནང་ཟེར་ཞུ་བ་འབདཝ་ཨིན། ཡིག་བཙུགས་མི་ མི་ངོ་ཚུ་ གདམ་འཐུའི་དྲི་བ་དྲིས་ལན་ལས་ཕྱིར་བཏོན་འབད་ནིའི་རེ་འདོད་རེ་ཡོད་པ་ཅིན་ ལྷན་ཚོགས་ཡིག་ཚང་གི་འགོ་འཛིན་ལུ་ ཕྱིར་བཏོན་གྱི་ཞུ་ཡིག་བཙུགས་གནང་ཟེར་ཞུ་ནི་ཨིན། རྒྱལ་ཡོངས་དགའ་སྐྱིད་དཔལ་འཛོམས་ལྷན་ཚོགས་ཁ་ཐུག་ལས་ གདམ་འཐུའི་དྲི་བ་དྲིས་ལན་གྱི་དོན་ལུ་འབྱོན་མི་ཚུ་ལུ་ ཉི་མའི་གསོལཝ་དང་གསོལ་ཇ་ཡང་དྲང་ནི་ཨིན།

 ཁ་གསལ་དང་བརྡ་དོན་གྱི་དོན་ལས་ རྒྱལ་ཡོངས་དགའ་སྐྱིད་དཔལ་འཛོམས་ལྷན་ཚོགས་ཀྱི་ མི་སྟོབས་འགོ་དཔོན་ ངོམ་ ཀརྨ་དབང་འདུས་དང་གཅིག་ཁར་འགྲུལ་འཕྲིན་ཨང་ ༡༧༣༧༨༠༨༧ ཡང་ཅིན་ ཡོངས་འབྲེལ་ཁ་བྱང་ karmawangdi@gnhc.gov.bt ནང་ལུ་འབྲེལ་བ་མཛད་གནང།

མདོ་ཆེན།

རྒྱལ་ཡོངས་དགའ་སྐྱིད་དཔལ་འཛོམས་ལྷན་ཚོགས་ཡིག་ཚང།

Leave a Reply

Your email address will not be published. Required fields are marked *