ཨང་གནས་ཅན་གྱི་ས་དབྱིབས་ཀྱི་སབ་ཁྲ་བཟོ་ནིའི་དོན་ལུ་ གྲོགས་མར་གན་ཡིག་གུར་མཚན་རྟགས་བཀོད་ནི།

སྤྱི་ལོ་ ༢༠༢༡ སྤྱི་ཟླ་ ༡༡ པའི་ཚེས་ ༡༢ ལུ་ རྒྱལ་ཡོངས་དགའ་སྐྱིད་དཔལ་འཛོམས་ལྷན་ཚོགས་ཀྱི་དྲུང་ཆེན་དང་ ཇཱ་པཱན་རྒྱལ་སྤྱི་མཉམ་འབྲེལ་ལས་སྡེའི་གཙོ་འཛིན་སྐུ་ཚབ་གཉིས་ཀྱིས་བར་ན་  ཨང་གནས་ཅན་གྱི་ས་དབྱིབས་ཆགས་ལུགས་ཀྱི་ས་ཁྲའི་ལས་འགུལ་དོན་ལུ་ གྲོགས་རམ་གན་ཡིག་གུར་མཚན་རྟགས་བཀོད་གནང་ཡི། ལས་འགུལ་འདི་གིས་དམིགས་ཡུལ་འདི་ རྐྱེན་ངན་ལས་བཟློག་ཐབས་དང་རང་བཞིན་འཐོན་སྐྱེད་འཛིན་སྐྱོང་སྒྲིང་སྒྲིང་བཟོ་སྟེ་ སྲིད་བྱུས་བརྩམ་མི་ལུ་ས་ཆའི་བརྡ་དོན་སྤྲོད་ཐབས་ཀྱི་དོན་ལུ་ཨིན། ལས་འགུལ་འདི་ཡང་ ཨང་གནས་ཅན་གྱི་ས་དབྱིབས་ཆགསས་ལུགས་ཀྱི་ས་ཁྲ་འདི་ བྱང་ཕྱོགས་དང་དབུས་ཕྱོགས་ལུང་ཕྱོགས་ཀྱི་ཚད་གཞི་འདི་ ༡:༢༥༠༠༠ དང་ དེ་ལས་ ཁྲོམ་སྡེ་གཙོ་བོ་ལུ་ཚད་གཞི་འདི་ ༡:༥༠༠༠ བཟོ་ཐོག་ལག་ རྒྱལ་ཡོངས་ས་ཆ་ལྷན་ཚོགས་ཡིག་ཚང་དང་གཅིག་ཁར་ལེན་འཐབ་ནི་ཨིནམ་དང་ འདི་གིས་ འབྲུག་རྒྱལ་ཁབ་ནང་ལུ་ གནམ་གཤིས་འགྱུར་བ་ལས་བརྟེན་པའི་ཉེན་ཁ་ཅན་གྱི་ རང་བཞིན་རྐྱེན་ངན་མར་ཕབ་འབད་ལྷན་ཐབས་ཚུགས་ནི་ཨིན། ཇཱ་པཱན་རྒྱལ་སྤྱི་མཉམ་འབྲེལ་ལས་སྡེ་གིས་ཡང་ རྒྱལ་ཁབ་ཀྱི་ལྷོ་ཕྱོགས་ལུང་ཕྱོགས་ལུ་ ས་ཆ་གྲུ་བཞི་ཀི་ལོ་མི་ཊར་ ༡༡༠༠༠ ཀྱི་དོན་ལུ་ ཚད་གཞི་ ༡:༢༥༠༠༠ བཟོ་ཡོདཔ་ལས་ འདི་གིས་ལྷོ་ཕྱོགས་རྫོང་ཁག་བརྒྱད་ཁྱབ་འདི་ཡོདཔ་ཨིན། སྤྱི་ལོ་ ༢༠༠༨ ལུ་མཇུག་བསྡུ་ཡོད་མི་ ཁ་གསལ་ཆེད་ལྷབ་ནི།

གྲོགས་རམ་མཉམ་འབྲེལ་ཞལ་འཛོམས་ ཐེངས་ ༡༥ པ།

གྲོགས་རམ་མཉམ་འབྲེལ་ཞལ་འཛོམས་ཐེངས་ ༡༥ པ་འདི་ ད་རེས་མཐར་འཁྱོལ་ཅན་ཅིག་སྦེ་ཚོགས་གནང་ཡི། ཞལ་འཛོམས་འདི་ ཕྱི་འབྲེལ་བློན་པོ་ ཌག་ཊར་རྟ་གྲི་རྡོ་རྗེ་མཆོག་གིས་དབུ་ཁྲིད་མཛད་གནང་ཡི། གྲོགས་རམ་མཉམ་འབྲེལ་ཞལ་འཛོམས་ཐེངས་ ༡༥ པ་འདི་ འབྲུག་རྒྱལ་ཁབ་ཀྱིས་གོང་འཕེལ་འགྱོ་བའི་སྐབས་ཀྱི་ གལ་ཅན་གྱི་དུས་ཚོད་ཁར་ལུ་ཚོགས་ཚུགས་འདི་ཡོདཔ་ཨིན། འབྲུག་རྒྱལ་ཁབ་འདི་ ལོ་ལྔའི་འཆར་གཞི་ ༡༢ པའི་ལོ་གྲངས་ཕྱེད་ཀ་དེ་ཅིག་ལྷོད་འདི་ཡོདཔ་དང་ སྤྱི་ལོ་ ༢༠༢༣ ལས་ རྒྱལ་ཁབ་འདི་གོང་འཕེལ་ཉུང་སུ་འགྱོ་བའི་དབྱེ་ཁག་ལས་ ཕྱིར་འཐོན་འབད་ནིའི་དོན་ལུ་ ལོ་ངོ་གཉིས་ལྷག་ཙམ་ཅིག་ལུས་འདི་ཡོད། གྲོགས་རམ་མཉམ་འབྲེལ་ཞལ་འཛོམས་འདི་གིས་ ང་བཅས་རའི་གྲོས་རམ་ལས་སྡེ་ཚུ་དང་གཅིག་ཁར་ གོ་སྐབས་དང་གདོང་ལེན་ཚུའི་སྐོར་ལས་གྲོས་བསྟུན་འབད་དེ་ ང་བཅས་ཀྱིས་འཕྲོ་མཐུད་དེ་ར་ ལོ་ལྔའི་འཆར་གཞི་ ༡༢ པའི་དམིགས་ཡུལ་གྲུབ་ནི་ལུ་ བརྩོན་ཤུགས་བསྐྱེད་ནི་དང་ སྤྱི་ལོ་ ༢༠༢༣ ལུ་ཡུན་བརྟན་ཐོག་ལས་ གོང་འཕེལ་ཉུང་སུ་འགྱོ་མིའི་དབྱེ་ཁག་ལས་ ཕྱིར་འཐོན་གྱི་སྐོར་ལས་གྲོས་བསྟུན་འབད་ནིའི་གོ་སྐབས་ཅིག་ཨིན། གྲོགས་རམ་ལས་སྡེ་ཚུ་གིས་ ང་བཅས་ཀྱི་འཆར་གཞི་དང་ལས་རིམ་ཚུ་ལུ་རྒྱབ་བསྐྱོར་འབད་དེ་ དགོས་མཁོ་དང་བསྟུན་ཏེ་ ཆ་འཇོག་འབད་དེ་ཡོདཔ་ཨིན། གྲོགས་རམ་མཉམ་འབྲེལ་ཞལ་འཛོམས་ཐེངས་ ཁ་གསལ་ཆེད་ལྷབ་ནི།

གནས་ཚུལ་གསར་བཏོན།

སྤྱི་ལོ་ ༢༠༢༡ སྤྱི་ཟླ་ ༨ པའི་སྤྱི་ཚེ་ ༡༡ ལུ། ཐིམ་ཕུག། འབྲུག་གཞུང་དང་འཛམ་གླིང་སྤྱི་ཚོགས་གོང་འཕེལ་ལས་རིམ་གྱིས་ འབྲུག་ལུ་ བལྟ་བཤལ་ལས་སྡེའི་སྐྱེ་སྡན་རིགས་སྣ་ ཉམས་སྲུང་འབད་ནི་ལུ་གཙོ་བོ་བཏོན་ནིའི་དོན་ལུ་ རྒྱལ་སྤྱི་རང་བཞིན་གནས་སྟངས་མཐུན་རྐྱེན་༼ཇི་ཨི་ཨེཕ༽ གྱི་མ་དངུལ་རྒྱབ་བསྐྱོར་ཐོག་ལས་ ཡུ་ཨེས་ཌོ་ལར་ས་ཡ་ ༤.༨༥༤ གནས་པའི་ལས་འགུལ་གུར་མཚན་རྟགས་བཀོད་གནང་ཡི། ལས་འགུལ་དེ་ཡང་ འབྲུག་བལྟ་བཤལ་ཚོགས་སྡེ་གིས་ ལོ་ལྔའི་འཆར་གཞི་ ༡༢ པའི་ནང་ལུ་ བལྟ་བཤལ་ལས་སྡེའི་ གཙོ་རིམ་ལས་རིམ་གྱི་ཆ་ཤས་ལས་རིམ་ཅིག་སྦེ་ལག་ལེན་འཐབ་ནི་ཨིན་པས། ལས་འགུལ་འདི་གིས་ སྐྱེ་ལྡན་རིགས་སྣ་ཉམས་སྲུང་ཐོག་ལས་བལྟ་བཤལ་གོང་འཕེལ་བཏང་ཚུགསཔ་ཅིག་སྦེ་བཟོ་ནི་དང་ འབྲུག་རྒྱལ་ཁབ་འདི་ དཔེ་སྟོན་གྱི་སྐྱེ་གནས་སྟངས་ལྡན་བལྟ་བཤལ་ཅིག་སྦེ་བཟོ་ནིའི་དམིགས་ཡུལ་སྐྱེདཔ་ཨིན་པས། ལས་འགུལ་ འདི་ཡང སྐྱེ་ལྡན་རིགས་སྣའི་གནོད་པ་མར་ཕབ་འབད་ནི་དང་ ཡུན་བརྟན་མ་དངུལ་ཉམས་སྲུང་ དེ་ལས་ སྲུང་སྐྱོབས་ཀྱི་ས་ཁོངས་ནང་འཁོད་དང་ཕྱི་ཁར་སྡོད་མི་ མི་ཚུའི་འཚོ་བའི་མཐུན་རྐྱེན་དང་ ས་ཁོངས་གཅིག་ནང་གནས་པའི་མི་དང་རི་དྭགས་སེམས་ཚུའི་བར་ན་ལྷན་ཐབས་ལུ་ ཕུགས་ཀྱི་མཐའ་དོན་གྱི་དམིགས་གཏད་ཅིག་ཨིན། འབྲུག་རྒྱལ་ཁབ་ཀྱིས་ཁྱབ་གནད་ཆེ་བའི་ནད་ཡམས་ཀོ་ཝིད-༡༩ འདི་ལེགས་ཤོམ་སྦེ་བཀག་འཛིན་འབད་དེ་ མི་མང་འཚབས་ཆེན་གྱི་དཀའ་ངལ་ཚུ་སེལ་ཡོད་རུང་ རྒྱལ་ཁབ་ཀྱི་དཔལ་འབྱོར་ལས་སྡེ་གཙོ་བོ་ དཔྱེ་འབད་བ་ཅིན་བལྟ་བཤལ་ལས་སྡེ་ལུ་གདོང་ལེན་སྦོམ་བྱུང་ཡོདཔ་ཨིན། ལས་འགུལ་འདི་ཡང་ ཁ་གསལ་ཆེད་ལྷབ་ནི།

ས་གནས་གཞུང་གི་ལོ་ལྔའི་འཆར་ ༡༢ པའི་བར་མཚམས་བསྐྱར་ཞིབ་ཀྱི་མཇུག་བསྡུའི་ལས་རིམ། ༼ཨེམ་ཊི་ཨར༽

 མི་རྗེ་བློན་ཆེན་ ཌག་ཀྲར་བློ་གྲོས་ཚེ་རིང་མཆོག་གིས་དབུ་བཞུགས་ཐོགས་ལས་ ས་གནས་གཞུང་གི་ལོ་ལྔའི་འཆར་ ༡༢ པའི་བར་མཚམས་བསྐྱར་ཞིབ་ཀྱི་མཇུག་བསྡུའི་ལས་རིམ་འདི་ ད་རེས་དྲོ་པ་སྤྱི་ཟླ་ ༨ པའི་སྤྱི་ཚེས་ ༢ ལུ་འགོ་འདྲེན་འཐབ་ཅི། རྒྱལ་ཡོངས་དགའ་སྐྱིད་དཔལ་འཛོམས་ལྷན་ཚོགས་ཀྱིས་ ས་གནས་གཞུང་གི་ལོ་ལྔའི་འཆར་གཞི་ ༡༢ པའི་བར་མཚམས་བསྐྱར་ཞིབ་འདི་ གློག་རིག་ཡོངས་འབྲེལ་ཐོག་ལས་ སྤྱི་ལོ་ ༢༠༢༡ སྤྱི་ཟླ་ ༥ པའི་སྤྱི་ཚེས་ ༡༡ ལས་ ༢༡ ཚུན་འགོ་འདྲེན་འཐབ་ཡོདཔ་ཨིན། ད་རེས་མཇུག་བསྡུའི་ལས་རིམ་སྐབས་ལུ་ ལྷན་རྒྱས་གཞུང་ཚོགས་ཀྱི་དྲུང་ཆེན་མཆོག་གིས་ བར་མཚམས་བསྐྱར་ཞིབ་ཀྱི་ལཱ་གི་གྲུབ་འབྲས་འདི་སྤྱན་འབུལ་ཕུལ་ཡི། སྤྱན་འབུལ་ནང་ལུ་ ས་གནས་གཞུང་གིས་བསྐྱར་ཞིབ་ཞལ་འཛོམས་སྐབས་ལུ་ཕུལ་ཡོད་པའི་སྤྱི་བཏང་ལཱ་གི་གྲུབ་འབྲས་ དཀའ་ངལ་དང་གདོང་ལེན་ཚུའི་སྐོར་ལས་ཕུལ་གནང་ཡི། གྲོས་བསྟུན་སྐབས་ལུ་ངོ་མ་ར་ གྲུབ་འབྲས་ཀྱི་བརྡ་སྟོན་གཙོ་ཅན་ཚུ་འགྱུར་བཅོས་ ལོ་བསྟར་གྲོས་རམ་མ་དངུལ་ རྩིས་ལོ་ ༢༠༢༠ ལས་༢༠༢༡ དང་རྩིས་ལོ་ ༢༠༢༡ ལས་ ༢༠༢༢ ཀྱི་ལོ་བསྟར་གཞུང་སྐྱོང་མཆོག་འགྱུར་གྱི་གན་ཡིག་དང་ ཁ་གསལ་ཆེད་ལྷབ་ནི།

ཁས་བླངས་ཀྱི་ རྒྱལ་ཡོངས་སྙན་ཞུ་ཐེངས་ ༢ པ་ སྤྱི་ལོ་ ༢༠༢༡ ཅནམ།

Link in Facebook: Audio visual clip on Bhutan’s implementation of SDGs through a GNH approach. ད་རེས་འབྲུག་རྒྱལ་ཁབ་ཀྱིས་ གློག་རིག་ཡོངས་འབྲེལ་ཐོག་ལས་ ཁས་བླངས་ཀྱི་ རྒྱལ་ཡོངས་བསྐྱར་ཞིབ་སྙན་ཞུ་འདི་ འཛམ་གླིང་སྤྱི་ཚོགས་ཀྱི་དམངས་གཙོ་གི་ཆེ་མཐོའི་གྲོས་གནས་ནང་ལུ་ སྤྱན་འབུལ་ཕུལ་ཡི། ཁས་བླངས་ཀྱི་ རྒྱལ་ཡོངས་སྙན་ཞུ་འདི ཁས་བླངས་ཀྱི་ རྒྱལ་ཡོངས་སྙན་ཞུ་འདི་ཡང་ འཛམ་བུ་གླིང་ནང་ལུ་མི་སྡེ་བརྒྱུད་དེ་ འབྲེལ་བ་ཡོད་པའི་ལས་སྡེ་ཆ་མཉམ་གྱིས་གྲལ་གཏོགས་ཀྱི་ཐབས་ལམ་ཐོག་ལས་གྲ་སྒྲིག་འབདཡོདཔ་ཨིན། འབྲུག་གཞུངགི་ཁ་ཐུག་ལས་ རྒྱལ་ཡོངས་དགའ་སྐྱིད་དཔལ་འཛོམས་ལྷན་ཚོགས་ཀྱི་དྲུང་ཆེན་གྱིས་ རྒྱལ་ཡོངས་བསྐྱར་ཞིབ་སྙན་ཞུ་འདི་སྤྱན་འབུལ་ཕུལ་ཡོདཔ་ཨིན། དྲུང་ཆེན་གྱིས་ ཡུན་བརྟན་གོང་འཕེལ་གྱི་དམིགས་ཚུ་ལག་ལེན་ག་དེ་སྦེ་འཐབ་ཚུགས་ཅི་ག་ དེ་ལས་ནད་ཡམས་ཀོ་ཝིད་ ༡༩ འདི་གིས་གྲུབ་འབྲས་ལུ་གནོད་པ་ག་དེ་འབད་འབྱུང་ཡོདཔ་ཨིན་ན་དང་ འབྲུག་རྒྱལ་ཁབ་ཀྱིས་ དེ་གིས་གདོང་ལེན་ཚུ་སེལ་ནིའི་ཐབས་བཏོན་གཙོ་བོ་དག་པ་ཅིག་བཏོན་ཡོད་མི་ཚུའི་སྐོར་ལས་ མདོར་བསྡུས་སྦེ་ཞུ་བ་ཕུལ་ཡི། དྲི་བ་འདྲི་ལན་གྱི་སྐབས་ལུ་ ཨཱས་ཊི་ཡ་ ཁ་གསལ་ཆེད་ལྷབ་ནི།

མི་རྣམས་ཀུན་ བདེ་སྐྱིད་ཡར་དྲགས་བཏང་ཐབས་ལུ་ བདེ་བ་ཟེར་བའི་ཡོངས་འབྲེལ་འདི་ འགོ་འབྱེད་མཛད་གནང་ཡི།

མི་རྣམས་ཀུན་ལུ་ བདེ་སྐྱིད་ཡར་དྲགས་བཏང་ཐབས་ཀྱི་རིམ་ལུགས་འདི་ མདོར་བསྡུ་བ་ཅིན་ རིམ་ལུགས་འདི་གིས་ རྒྱལ་ཡོངས་དགའ་སྐྱིད་དཔལ་འཛོམས་ ཡུན་བརྟན་གོང་འཕེལ་གྱི་དམིགས་ཡུལ་དང་ ལོ་ལྔའི་འཆར་གཞིའི་ གྲུབ་འབྲས་ཚུ་བལྟ་རྟོགས་དང་གནས་སྟངས་ཚུ་བལྟ་ཚུགས་ནི་ཨིན། རིམ་ལུགས་འདི་ཡང་ ད་རིས་མི་རྗེ་བློན་ཆེན་ དྲགོས་ཌག་ཀྲ་བློ་གྲོས་ཚེ་རིང་མཆོག་གིས་ འགོ་འབྱེད་མཛད་གནང་ཡི། བདེ་བ་ཟེར་བའི་ཡོངས་འབྲེལ་འདི་ཡང་ འཛམ་གླིང་སྤྱི་ཚོགས་གོང་འཕེལ་ལས་རིམ་གྱིས་རྒྱབ་སྐྱོར་ཐོག་ལས་ རྒྱལ་ཡོངས་དགའ་སྐྱིད་དཔལ་འཛོམས་ལྷན་ཚོགས་ཡིག་ཚང་དང་ རྒྱལ་ཡོངས་རྩིས་དཔྱད་བཀོད་འཛིན་གཉིས་ མཉམ་རུབ་འབད་དེ་བཟོ་བཟོཝ་ཨིན། ཡོངས་འབྲེལ་བཟོ་དགོ་མི་འདི་ཡང་ གནས་བསྡུས་ཐོབ་ཐབས་ཡར་དྲགས་བཏང་ཐབས་ཀྱི་རྒྱབ་བསྣོན་དང་འཁྲིལ་ཏེ་ཨིནམ་མ་ཚད་ ཡུན་བརྟན་གོང་འཕེལ་གྱི་གྲོས་གཞི་ལག་ལེན་ སྤྱི་ལོ་ ༢༠༣༠ ཅན་མ་གུར་ འབྲུག་རྒྱལ་ཁབ་ཀྱི་འགོ་ཐོག་དང་པ་སྙན་ཞུ་འབད་ནི་ཨིནམ་མི་ རྒྱལ་ཡོངས་ཁས་བླངས་བསྐྱར་ཞིབ་སྙན་ཞུ་གི་དོན་ལུ་ གནས་བསྡུས་ཐོབ་ཚུགས་ནི་ཨིན་མས། ལས་རིམ་འདི་ཡང་ཡོངས་འབྲེལ་འཆར་སྒོ་ www.dewa.gov.bt ནང་ལས་གཟིགས་ཚུགསཔ་ཨིན།