འཆར་གཞི་ ༡༡ པའི་བར་མཚམས་བསྐྱར་ཞིབ་ཀྱི་སྙན་ཞུ།

ལོ་ལྔའི་འཆར་གཞི་བཅུ་གཅིག་པ་འདི་ གནམ་ལོ་༢༠༠༨ ལུ་དམངས་གཙོའི་རྩ་ཁྲིམས་ཅན་གྱི་རྒྱལ་བརྒྱུད་ཀྱི་རིང་ལུགས་འདི་འགོ་བཙུགས་ཞིནམ་ལས་ ལོ་ལྔའི་འཆར་གཞི་གཉིས་པ་ཨིན། དེ་ཡང་ འབྲུག་གི་དམངས་གཙོའི་རྩ་ཁྲིམས་ཅན་གྱི་རྒྱལ་བརྒྱུད་ཀྱི་རིང་ལུགས་ཀྱི་རིང་ལུ་ བཙག་འཐུ་ལས་གྲུབ་པའི་གཞུང་གིས་འཆར་གཞི་བརྩམ་སྟེ་ལག་ལེན་འཐབ་མི་ ལོ་ལྔའི་འཆར་གཞི་གཉིས་པ་ཨིན། དེ་འབདཝ་ལས་བརྟེན་ཏེ་ ལོ་ལྔའི་འཆར་གཞི་ ༡༡ པ་གིས་ འདས་པའི་རིང་ལུ་ ཡར་རྒྱས་གོང་འཕེལ་དང་གྲུབ་འབྲས་ཐོན་མིའི་ཉམས་མྱོང་ཚུ་ལས་བརྟེན་ཏེ་ རྒྱལ་ཡོངས་དགའ་སྐྱིད་དཔལ་འཛོམས་ཀྱི་དམིགས་ཡུལ་གྲུབ་དགོཔ་དང་འཁྲིལ་ཏེ་ ད་ལས་ཕར་གནས་སྐབས་དང་རིག་པ་གསརཔ་བཏོན་ཏེ་ ང་བཅས་རའི་ཕུག་གི་མཐའ་དོན་ཚུ་གྲུབ་ཐབས་ལུ་གཙོ་བོ་བཏོན་ནིའི་གོ་སྐབས་བཟང་པོ་བྱིནམ་ཨིན་པས། འཆར་གཞི་ ༡༡ པ བརྩམ་ནིའི་བྱ་རིམ་ནང་ལུ་ འབྲེལ་ཡོད་ཚུ་གིས་རྒྱ་ཆེ་དྲགས་སྦེ་བཅའ་མར་གཏོགས་ནིའི་དོན་ལས་ ལོ་ལྔའི་འཆར་གཞི་ ༡༡ པ་བརྩམ་ནིའི་ཕྱག་ལཱ་འདི་ སྤྱི་ལོ་ ༢༠༡༡ སྤྱི་ཟླ་ ༨ པ་ལས་ར་འགོ་བཙུགས་ཡོདཔ་ཨིན། འབྲེལ་ཡོད་ལས་སྡེ་ཚུ་དང་གཅིག་ཁར་གྲོས་མང་རབས་གཅིག་འགོ་འདྲེན་འཐབ་པའི་ཤུལ་ལས་ ལོ་ལྔའི་འཆར་གཞི་ ༡༡ པའི་ཟིན་བྲིས་འདི་ སྤྱི་ལོ་ ༢༠༡༣ ཟླ་ ༨ པའི་ནང་ལུ་ ལྷན་རྒྱས་གཞུང་ཚོགས་གསརཔ་ལུ་སྤྱན་འབུལ་ཕུལ་ཡི། ཁ་གསལ་ཆེད་ལྷབ་ནི།

ལོ་ལྔའི་འཆར་གཞི་ ༡༡ ་པའི་དེབ་ཚན་ཡིག་ཆས་ཚུ།

ལོ་ལྔའི་འཆར་གཞི་བཅུ་གཅིག་པ་འདི་ གནམ་ལོ་༢༠༠༨ ལུ་དམངས་གཙོའི་རྩ་ཁྲིམས་ཅན་གྱི་རྒྱལ་བརྒྱུད་ཀྱི་རིང་ལུགས་འདི་འགོ་བཙུགས་ཞིནམ་ལས་ ལོ་ལྔའི་འཆར་གཞི་གཉིས་པ་ཨིན། འདི་ཡང་ གནམ་ལོ་༡༩༦༡ ལས་འགོ་བཙུགས་ཏེ་འཆར་གཞིའི་གོང་འཕེལ་གྱི་ལས་རིམ་ཚུའི་གཞི་འགྱམ་སྒྲིང་སྒྲིང་སྦེ་བཟོ་གནང་མི་གུར་གཞི་བརྟེན་ཏེ་བཟོཝ་ཨིན། འདི་ཡང་ མི་དབང་མངའ་བདག་རིན་པོ་ཆེ་མཆོག་གི་རྒྱལ་ཡོངས་ལུ་གསུང་བཤད་གནང་མི་ཚུ་ནང་ འབྲུག་རྒྱལ་ཁབ་ཀྱི་དོན་ལུ་འཆར་སྣང་དང་ རྒྱལ་ཡོངས་ཀྱི་གཙོ་རིམ་ཚུ་གསུང་གནང་མི་དེ་ལམ་སྟོན་སྦེ་བསྟེན་ཏེ་བཟོ་བཟོཝ་ཨིན། འཆར་གཞི་འདི་ནང་ དམིགས་ཡུལ་དེ་ཚུ་གྲུབ་ནི་དང་ ད་ལྟོའི་གཞུང་གི་ཁས་བླངས་ དབང་ཚད་ཕྱིར་སྤེལ་གྱི་ཐོག་ལས་ ཀུན་ལུ་བདེ་སྐྱིད་ ཟེར་བའི་ཁས་བླངས་འདི་གྲུབ་ནི་གི་དོན་ལུ་གོང་འཕེལ་གྱི་གནད་དོན་ཚུ་བཀོད་དེ་ཡོདཔ་ཨིན། ལོ་ལྔའི་འཆར་གཞི་བཅུ་གཅིག་པའི་དེབ་ཚན་ ༡ པ་ ཡིག་ཆ་གཙོ་བོ། – ཕབ་ལེན། ངོ་སྤྲོད། ལོ་ལྔའི་འཆར་གཞི་བཅུ་གཅིག་པའི་དེབ་ཚན་ ༢ པ་ ལས་རིམ་ཚུ་ནང་ ལྷན་ཁག་ རྩ་ཁྲིམས་ཅན་གྱི་འདུས་ཚོགས་ རང་དབང་ལས་སྡེ་དང་གཞུང་གི་ལས་སྡེ་ཁག་གཞན་ཚུ་གི་ལས་རིམ་དང་ལས་སྣ་ཚུ་བཀོད་དེ་ཡོད། ལས་སྡེ་ ༢༠ གི་ལས་རིམ་དང་ལས་སྣ་ཚུ་ཡང་གཤམ་འཁོད་ཐིག་ཁྲམ་མདོར་བསྡུས་ནང་ལུ་གསལ་བཀོད་འབད་དེ་ཡོད། ལས་རིམ་དང་ལས་སྣ་ཚུ་ནང་ལུ་ ལས་རིམ་དང་ལས་སྣའི་རྒྱབ་ཁུངས་ དེ་ལས་ ལཱ་གི་གྲུབ་འབྲས་དང་འཕྲལ་གྱི་གྲུབ་འབྲས་ཚུ་སྒྲུབ་ཐབས་ཀྱི་དམིགས་གཏད་ཡང་ཚུད་དེ་ཡོད། གྲུབ་འབྲས་ལུ་གཞི་བཞག་གི་འཆར་གཞིའི་ཐབས་ལམ་དང་འཁྲིལ་ ལཱ་གི་གྲུབ་འབྲས་དང་འཕྲལ་གྱི་གྲུབ་འབྲས་ཚུ་ཡང་  གྲུབ་འབྲས་ཀྱི་བརྟ་སྟོན་གཙོ་ཅན་ ཁ་གསལ་ཆེད་ལྷབ་ནི།

འབྲུག་ ༢༠༢༠། : ཞི་བདེ་དང་སྟོབས་འབྱོར་དེ་ལས་བདེ་སྐྱིད་ཀྱི་འཆར་སྣང་།

སྤྱི་ལོ་ ༡༩༦༡ ལས་ར་ ང་བཅས་ལུ་གདོང་ལེན་སྦོམ་བྱུང་སྟེ་འབད་རུང་ ལོ་ལྔའི་འཆར་གཞི་བདུན་པའི་གོང་འཕེལ་འཆར་གཞི་འདི་ མཐར་འཁྱོལ་ཅན་འབད་མཇུག་བསྡུ་ཚུགས་ཅི། ང་བཅས་ཀྱི་དམིགས་བསལ་གྱི་རེ་ཆེད་བསྐྱེད་མི་ཚུ་ ང་བཅས་ཀྱི་རེ་འདོད་ལས་ལྷག་སྟེ་བསྒྲུབས་ཚུགས་ཅི། ད་ལས་ཕར་འབདན་ འགྱུར་བ་སྦོམ་གྱི་གོམ་པ་འདུན་དུ་སྤོ་བའི་དུས་ཚོད་ཁར་ཨིནམ་ལས་ མ་འོངས་པ་ལུ་གདོང་ལེན་ཚུ་འབྱུང་སྲིད་ནི་ཨིན་པས། དེ་འབདཝ་ད་ལུ་ མ་འོངས་པ་ལུ་ ང་བཅས་ལུ་གནས་སྟངས་ག་ཅི་བཟུམ་འབྱུང་མི་འདི་རྐྱངམ་ཅིག་མེན་པར་ ང་བཅས་ཚུ་གིས་གནས་སྟངས་འདི་ག་དེ་སྦེ་གདོང་ལེན་འབད་དགོཔ་ཨིན་ན་ འདི་ཁག་ཆེ། ང་བཅས་ཚུ་གི་ཚད་འཛིན་ལས་ལྷག་སྟེ་འབྱུང་མི་གནས་སྟངས་འདི་ཐབས་མེད་པར་ངོས་ལེན་འབད་ནི་མེན་པར་ ང་བཅས་ཀྱིས་མི་སྡེ་དཔལ་འབྱོར་གྱི་འགྱུར་བ་འདི་བལྟ་དགོཔ་ཨིན། འཆར་སྣང་འདི་ར་ མ་འོངས་པ་འདི་ག་དེ་སྦེ་བཞག་ནི་ཨིན་ནའི་ཐབས་ལམ་ཅིག་ཨིན། འདི་གིས་དོན་ལས་ དུས་མཚམས་དུས་མཚམས་ལུ་ བསྐྱར་ཞིབ་འབད་ནི་དང་ཕུག་གི་འཆར་གཞི་གྲ་སྒྲིག་འབད་ནི་ཚུ་ལྷན་ཐབས་ཀྱི་ལས་སྣ་ཅིག་ཨིན། འཆར་གཞི་ལྷན་ཚོགས་ཡིག་ཚང་གིས་འགོ་འདྲེན་འཐབ་སྟེ་ སྤྱི་ལོ་ ༢༠༢༠ ཚུན་འབད་མི་འཆར་སྣང་ ༢༠༢༠ གི་ཀི་དེབ་པར་བསྐྲུན་འབད་མི་ལུ་ངལ་རངས་བྱུང་ཡི། འབྲུག་ ༢༠༢༠། – ཕབ་ལེན།