ཁས་བླངས་ཀྱི་ རྒྱལ་ཡོངས་སྙན་ཞུ་ཐེངས་ ༢ པ་ སྤྱི་ལོ་ ༢༠༢༡ ཅནམ།

Link in Facebook: Audio visual clip on Bhutan’s implementation of SDGs through a GNH approach. ད་རེས་འབྲུག་རྒྱལ་ཁབ་ཀྱིས་ གློག་རིག་ཡོངས་འབྲེལ་ཐོག་ལས་ ཁས་བླངས་ཀྱི་ རྒྱལ་ཡོངས་བསྐྱར་ཞིབ་སྙན་ཞུ་འདི་ འཛམ་གླིང་སྤྱི་ཚོགས་ཀྱི་དམངས་གཙོ་གི་ཆེ་མཐོའི་གྲོས་གནས་ནང་ལུ་ སྤྱན་འབུལ་ཕུལ་ཡི། ཁས་བླངས་ཀྱི་ རྒྱལ་ཡོངས་སྙན་ཞུ་འདི ཁས་བླངས་ཀྱི་ རྒྱལ་ཡོངས་སྙན་ཞུ་འདི་ཡང་ འཛམ་བུ་གླིང་ནང་ལུ་མི་སྡེ་བརྒྱུད་དེ་ འབྲེལ་བ་ཡོད་པའི་ལས་སྡེ་ཆ་མཉམ་གྱིས་གྲལ་གཏོགས་ཀྱི་ཐབས་ལམ་ཐོག་ལས་གྲ་སྒྲིག་འབདཡོདཔ་ཨིན། འབྲུག་གཞུངགི་ཁ་ཐུག་ལས་ རྒྱལ་ཡོངས་དགའ་སྐྱིད་དཔལ་འཛོམས་ལྷན་ཚོགས་ཀྱི་དྲུང་ཆེན་གྱིས་ རྒྱལ་ཡོངས་བསྐྱར་ཞིབ་སྙན་ཞུ་འདི་སྤྱན་འབུལ་ཕུལ་ཡོདཔ་ཨིན། དྲུང་ཆེན་གྱིས་ ཡུན་བརྟན་གོང་འཕེལ་གྱི་དམིགས་ཚུ་ལག་ལེན་ག་དེ་སྦེ་འཐབ་ཚུགས་ཅི་ག་ དེ་ལས་ནད་ཡམས་ཀོ་ཝིད་ ༡༩ འདི་གིས་གྲུབ་འབྲས་ལུ་གནོད་པ་ག་དེ་འབད་འབྱུང་ཡོདཔ་ཨིན་ན་དང་ འབྲུག་རྒྱལ་ཁབ་ཀྱིས་ དེ་གིས་གདོང་ལེན་ཚུ་སེལ་ནིའི་ཐབས་བཏོན་གཙོ་བོ་དག་པ་ཅིག་བཏོན་ཡོད་མི་ཚུའི་སྐོར་ལས་ མདོར་བསྡུས་སྦེ་ཞུ་བ་ཕུལ་ཡི། དྲི་བ་འདྲི་ལན་གྱི་སྐབས་ལུ་ ཨཱས་ཊི་ཡ་ ཁ་གསལ་ཆེད་ལྷབ་ནི།

མི་རྣམས་ཀུན་ བདེ་སྐྱིད་ཡར་དྲགས་བཏང་ཐབས་ལུ་ བདེ་བ་ཟེར་བའི་ཡོངས་འབྲེལ་འདི་ འགོ་འབྱེད་མཛད་གནང་ཡི།

མི་རྣམས་ཀུན་ལུ་ བདེ་སྐྱིད་ཡར་དྲགས་བཏང་ཐབས་ཀྱི་རིམ་ལུགས་འདི་ མདོར་བསྡུ་བ་ཅིན་ རིམ་ལུགས་འདི་གིས་ རྒྱལ་ཡོངས་དགའ་སྐྱིད་དཔལ་འཛོམས་ ཡུན་བརྟན་གོང་འཕེལ་གྱི་དམིགས་ཡུལ་དང་ ལོ་ལྔའི་འཆར་གཞིའི་ གྲུབ་འབྲས་ཚུ་བལྟ་རྟོགས་དང་གནས་སྟངས་ཚུ་བལྟ་ཚུགས་ནི་ཨིན། རིམ་ལུགས་འདི་ཡང་ ད་རིས་མི་རྗེ་བློན་ཆེན་ དྲགོས་ཌག་ཀྲ་བློ་གྲོས་ཚེ་རིང་མཆོག་གིས་ འགོ་འབྱེད་མཛད་གནང་ཡི། བདེ་བ་ཟེར་བའི་ཡོངས་འབྲེལ་འདི་ཡང་ འཛམ་གླིང་སྤྱི་ཚོགས་གོང་འཕེལ་ལས་རིམ་གྱིས་རྒྱབ་སྐྱོར་ཐོག་ལས་ རྒྱལ་ཡོངས་དགའ་སྐྱིད་དཔལ་འཛོམས་ལྷན་ཚོགས་ཡིག་ཚང་དང་ རྒྱལ་ཡོངས་རྩིས་དཔྱད་བཀོད་འཛིན་གཉིས་ མཉམ་རུབ་འབད་དེ་བཟོ་བཟོཝ་ཨིན། ཡོངས་འབྲེལ་བཟོ་དགོ་མི་འདི་ཡང་ གནས་བསྡུས་ཐོབ་ཐབས་ཡར་དྲགས་བཏང་ཐབས་ཀྱི་རྒྱབ་བསྣོན་དང་འཁྲིལ་ཏེ་ཨིནམ་མ་ཚད་ ཡུན་བརྟན་གོང་འཕེལ་གྱི་གྲོས་གཞི་ལག་ལེན་ སྤྱི་ལོ་ ༢༠༣༠ ཅན་མ་གུར་ འབྲུག་རྒྱལ་ཁབ་ཀྱི་འགོ་ཐོག་དང་པ་སྙན་ཞུ་འབད་ནི་ཨིནམ་མི་ རྒྱལ་ཡོངས་ཁས་བླངས་བསྐྱར་ཞིབ་སྙན་ཞུ་གི་དོན་ལུ་ གནས་བསྡུས་ཐོབ་ཚུགས་ནི་ཨིན་མས། ལས་རིམ་འདི་ཡང་ཡོངས་འབྲེལ་འཆར་སྒོ་ www.dewa.gov.bt ནང་ལས་གཟིགས་ཚུགསཔ་ཨིན།

རྒྱ་འབྲུག་མཉམ་འབྲེལ་གོང་འཕེལ་ཞལ་འཛོམས་ཐེངས་ གསུམ་པ།

སྤྱི་ཚེས་ ༢༨/༠༦/༢༠༢༡ རེས་གཟའ་ མིག་དམར་ལུ་ ལོ་ལྔའི་འཆར་གཞི་ ༡༢ པའི་གུར་ རྒྱ་འབྲུག་མཉམ་འབྲེལ་གོང་འཕེལ་ཞལ་འཛོམས་ཐེངས་ གསུམ་པ་འདི་ ཡོངས་འབྲེལ་ཐོག་ཚོགས་ཡོདཔ་ཨིན། འབྲུག་གི་ཁ་ཐུག་ལས་ ཕྱི་འབྲེལ་ལྷན་ཁག་གི་དྲུང་ཆེན་ ཀུན་དགའ་སེངྒེ་གིས་འགོ་འཁྲིད་འབད་དེ་ཡོད་མི་ འཐུས་ཚབ་སྡེ་ཚན་ཚུ་ཡང་ དངུལ་རྩིས་ལྷན་ཁག་ ཞབས་ཏོག་ལྷན་ཁག་ ཤེས་རིག་ལྷན་ཁག་ ལཱ་གཡོག་ལྷན་ཁག་ གསོ་བའི་ལཧན་ཁག་ བརྡ་དོན་དང་བརྒྱུད་འབྲེལ་ལྷན་ཁག་ ནང་སྲིད་ལྷན་ཁག་ ཕྱི་འབྲེལ་ལྷན་ཁག་དང་ རྒྱལ་ཡོངས་དགའ་སྐྱིད་དཔལ་འཛོམས་ལྷན་ཚོགས་ཡིག་ཚང་ དེ་ལས་ ལྡིལ་ལི་ལུ་ཡོད་པའི་ རྒྱ་འབྲུག་སྐུ་ཚབ་ཡིག་ཚང་ལས་ ཆེ་མཐོའི་འགོ་དཔོན་ཚུ་ཡོདཔ་ཨིན། རྒྱ་གར་གྱི་འཐུས་ཚབ་སྡེ་ཚན་འདི་ ཕྱི་འབྲེལ་མཐུན་འབྲེལ་ལྷན་ཁག་ དཔལ་འབྱོར་མཐུན་འབྲེལ་གྱི་ དྲུང་ཆེན་ ཨམ་ ཤྲི་ རཱ་ཧུལ་ ཆ་བྲཱ་གིས་འགོ་འཁྲིད་འབད་དེ་ འབྲུག་ལུ་རྒྱ་གར་གྱི་གནས་སྡོད་སྐུ་ཚབ་ཡིག་ཚང་གི་ སྐུ་ཚབ་ བྱང་ཕྱོགས་ཀྱི་ མཉམ་འབྲེལ་དྲུང་ཆེན་དང་ ཕྱི་འབྲེལ་མཐུན་འབྲེལ་ལྷན་ཁག་གི་ གཞན་འགོ་དོན་ཚུ་ཡོདཔ་ཨིན། ཁ་གསལ་ཆེད་ལྷབ་ནི།

འབྲུག་གཞུང་དང་ ཇཱ་པཱན་གཞུང་གི་ འབྲུག་ལུ་ཡོད་པའི་ རྒྱལ་སྤྱིའི་ཇཱ་པཱན་མཉམ་འབྲེལ་ལས་སྡེའི་ཡིག་ཚང་གཉིས་ཀྱིས་བར་ན་ མི་སྟོབས་གོང་འཕེལ་གྱི་སློབ་གཉེར་གྲོགས་རམ་གྱི་ གནས་ཚུལ་གསར་བཏོན།

འབྲུག་གཞུང་དང་ ཇཱ་པཱན་གཞུང་གི་ འབྲུག་ལུ་ཡོད་པའི་ རྒྱལ་སྤྱིའི་ཇཱ་པཱན་མཉམ་འབྲེལ་ལས་སྡེའི་ཡིག་ཚང་གཉིས་ཀྱིས་བར་ན་ མི་སྟོབས་གོང་འཕེལ་གྱི་སློབ་གཉེར་གྲོགས་རམ་ ཟེར་བའི་ལས་འགུལ་གྱི་ འགན་ཡིག་གུར་མཚན་རྟགས་བཀོད་གནང་ཡི། ཇཱ་པཱན་གཞུང་གི་འབྲུག་ལུ་གནས་སྡོད་སྐུ་ཚབ་ སུ་ཟུ་ཀི་ སཱ་ཏོ་ཤི་དང་ འབྲུག་གཞུང་གི་སྐུ་ཚབ་བི་ཚོབ་རྣམ་རྒྱལ་གཉིས་ཀྱི་བར་ན་ མི་སྟོབས་གོང་འཕེལ་གྱི་སློབ་གཉེར་གྲོགས་རམ་ཟེར་བའི་ལས་འགུལ་གུར་ བརྗེ་སོར་གྱི་ཡིག་ཆས་གུར་མཚན་རྟགས་བཀོད་གནང་བའི་ཤུལ་ལས་  འབྲུག་ལུ་ཇཱ་པཱན་གྱི་གཞུང་ཚབ་ཡིག་ཚང་གི་གཙོ་འཛིན་ངོ་ཚབ་ སྐུ་ཟོ་ ཝ་ཏ་ནཱ་བཱི་དང་ རྒྱལ་ཡོངས་དགའ་སྐྱིད་དཔལ་འཛོམས་ལྷན་ཚོགས་ཀྱི་དྲུང་ཆེན་ འཕྲིན་ལས་རྣམ་རྒྱལ་གཉིས་ཀྱི་བར་ན་ ད་རེས་ སྤྱི་ཚེས་ ༧/༠༦/༢༠༢༡ ལུ་  ཇཱ་པཱན་གྱི་ཡཱེན་བསྡོམས་ (༡༧༤,༠༠༠,༠༠༠.༠༠) དངུལ་ཀྲམ་ ༡༡༠,༠༠༠,༠༠༠ (དངུལ་ཀྲམ་ས་ཡ་གཅིག་བརྒྱ་བཅུ་ཐམས)  རྩིས་གནས་མི་ མི་སྟོབས་གོང་འཕེལ་གྱི་སློབ་གཉེར་གྲོགས་རམ་ཟེར་བའི་ལས་འགུལ་གྱི་ གྲོགས་རམ་གན་ཡིག་གུར་མཚན་རྟགས་བཀོད་གནང་ཡི། ཇཱ་པཱན་གོང་འཕེལ་གྱི་སློབ་གཉེར་གྲོགས་རམ་འདི་ འབྲུག་རྒྱལ་ཁབ་ཀྱི་ལཱ་གཞི་མ་འདྲཝ་ཚུ་ནང་མི་སྟོབས་གོང་འཕེལ་བཏང་ཐབས་ཀྱི་དོན་ལས་ཨིན། སློབ་གཉེར་གྲོགས་རམ་འདི་གིས་ ཇཱ་པཱན་གྱི་གཙུག་ལག་སློབ་སྡེ་ཚུ་ནང་ལུ་ ཞི་གཡོགཔ་ཚུ་གིས་ གཙུག་ལག་མཐོ་རིམ་ཤེས་ཡོན་གྱི་ཤེས་ཚད་དང་ཆེས་མཐོའི་ཤེས་ཡོན་གྱི་ལས་རིམ་ཚུ་ནང་ སློབ་སྦྱང་ནིའི་གོ་སྐབས་ཐོབ་ཚུགས་ནི་ཨིན། ལས་འགུལ་འདི་ཡང་ རྒྱལ་གཞུང་ཞི་གཡོག་ལྷན་ཚོགས་ཀྱིས་འགོ་འདྲེན་འཐབ་ནི་ཨིན།

ས་གནས་གཞུང་གི་ལོ་ལྔ་འཆར་གཞི་ ༡༢ པའི་བར་མཚམས་བསྐྱར་ཞིབ་ཀྱི་གནས་ཚུལ་གསར་བཏོན།

སྤྱི་ལོ་ ༢༠༢༡-༢༠༢༢ པའི་ ས་གནས་གཞུང་གི་ གི་ ལོ་ལྔའི་འཆར་གཞི་ ༡༢ པའི་ བར་མཚམས་བསྐྱར་ཞིབ་དང་འདི་ ལོ་བསྟར་གཞུང་མཆོག་འགྱུར་གྱི་འགན་ཡིག་འདི་ སྤྱི་ལོ་ ༢༠༢༡ སྤྱི་ཟླ་ ༥ པའི་ སྤྱི་ཚེས་ ༡༠ ལས་འགོ་བཙུགས་ཏེ་ སྤྱི་ ༥ པའི་ སྤྱི་ཚེས་ ༢༡ ལུ་མཇུག་བསྡུ་ནི་ཨིན། འགོ་བཙུགས་ལས་རིམ་འདི་ཡང་ མི་རྗེ་བློན་ཆེན་མཆོག་གིས་དབུ་ཁྲིད་མཛད་གནང་ཡོདཔ་དང་ དེའི་ཤུལ་ལས་ བར་མཚམས་བསྐྱར་ཞིབ་དང་ ལོ་བསྟར་གཞུང་མཆོག་འགྱུར་གྱི་འགན་ཡིག་གྲོས་བསྡུར་འདི་ཡང་ ལྷན་རྒྱས་གཞུང་ཚོགས་ཀྱི་དདྲགོས་དྲུང་ཆེན་མཆོག་གིས་མཛད་གནང་ནི་ཨིན། དེ་ནང་གྲལ་གཏོགས་མཛད་མི་ཡང་ དྲགོས་རྫོང་བདག་ ཁྲོམ་དཔོན་དང་བཀོད་ཁྱབ་དྲུང་ཆེན་ རྫོང་ཁག་གི་ཁྲི་འཛིན་དང་རྒཔོ་ ས་གནས་གཞུང་གི་འགོ་དཔོན་དང་ ས་གནས་གཞུང་དང་གཞུང་ལྟེ་བའི་རང་སོའི་འགོ་འཛིན་དང་འབྲེལ་ཡོད་འགོ་དཔོན་ དེ་ལས་མི་རྗེ་བློན་ཆེན་ཡིག་ཚང་དང་རྒྱལ་ཡོངས་དགའ་སྐྱིད་དཔལ་འཛོམས་ལས་ཡང་ཡོདཔ་ཨིན།  ད་རེས་ནངས་པ་གནང་བཞིན་ཡོད་པའི་བར་མཚམས་བསྐྱར་ཞིབ་འདི་གིས་ ལོ་ལྔའི་འཆར་གཞི་ ༡༢ པའི་ལས་རིམ་དང་ལས་སྣ་ཚུའི་གྲུབ་འབྲས་ཚུ་རྩིས་ཏེ་ ཁ་གསལ་ཆེད་ལྷབ་ནི།

གཞུང་ལྟེ་བ་གི་ལོ་ལྔ་འཆར་གཞི་ ༡༢ པའི་བར་མཚམས་བསྐྱར་ཞིབ།

གཞུང་ལྟེ་བའི་ལྷན་ཁག་དང་ལས་སྡེ་ཁག་གིས་ ལོ་ལྔ་འཆར་གཞི་ ༡༢ པའི་བར་མཚམས་བསྐྱར་ཞིབ་འདི་ སྤྱི་ལོ་ ༢༠༢༡ སྤྱི་ཟླ་ ༤ པའི་སྤྱི་ཚེས་ ༡༥ ལས་ ༢༦ ཚུན་ ས་གནས་ཐིམ་ཕུག་ བཞི་ཆེན་ཁར་ལུ་འགོ་བཙུགས་ཡི། ཞལ་འཛོམས་འདི་ཡང་ མི་རྗེ་བློན་ཆེན་མཆོག་གིས་དབུ་ཁྲིད་མཛད་ཡོདཔ་དང་ གྲལ་གཏོགས་འབད་མི་ཡང་ ལྷན་རྒྱས་གཞུང་ཚོགས་ཀྱི་བློན་པོ་ཚུ་ དམིགས་བསལ་གྱི་མགོནམ་ དྲགོས་ཀརྨ་ཨུ་ར་ རྒྱལ་གཞུང་ཞི་གཡོག་ལྷན་ཚོགས་ཀྱི་ལྷན་འཛིན་ཚུ་ ལྷན་རྒྱས་གཞུང་ཚོགས་ཀྱི་དྲུང་ཆེན་ དངུལ་རྩིས་ལྷན་ཁག་ བློང་ཆེན་ཡིག་ཚང་གི་འགོ་དཔོན་ ལས་སྡེ་རང་སོའི་འགོ་དཔོན་གོངམ་དང་རྒྱལ་ཡོངས་དགའ་སྐྱིད་དཔལ་འཛོམས་ལྷན་ཚོགས་ལས་འགོ་དཔོན་ཚུ་གིས་བཅའ་མར་གཏོགས་ཡི། བར་མཚམས་བསྐྱར་ཞིབ་སྐབས་ལུ་ འདས་པའི་ལོ་ངོ་གཉིས་དང་ཕྱེད་ཀྱི་ ལོ་ལྔ་འཆར་གཞི་ ༡༢ པའི་ ལས་རིམ་དང་ལས་སྣ་ཚུའི་གྲུབ་འབྲས་དང་ ལས་རིམ་དང་ལས་སྣ་གསརཔ་དུས་མཐུན་བཟོ་སྟེ་ ལས་རིམ་དང་ལས་སྣ་ཚུ་ལག་ལེན་འཐབ་ད་ལུ་ དཀའ་ངལ་དང་གདོང་ལེན་ཚུ་འབྱུང་མི་གུར་གྲོས་བསྡུར་མཛད་གནང་ཡི། བར་མཚམས་བསྐྱར་ཞིབ་སྐབས་ལུ་ ལས་སྡེ་ཚུ་གིས་ འཆར་གཞིའི་དམིགས་གཏད་འདི་མར་ཕབ་འབད་ནི་དང་བསྐྱར་ཞིབ་འབད་ནི་མེན་པར་ གྲུབ་འབྲས་ཀྱི་བརྡ་སྟོན་གཙོ་ཅན་ཚུ་གུར་གཙོ་བོ་བཏོན་དགོཔ་སྦེ་གསུངས་གནང་ཡི། ནད་ཡམས་ཀོ་ཝིད་ ཁ་གསལ་ཆེད་ལྷབ་ནི།

གྲོགས་རམ་མཆིངས་ཡིག་གུར་མཚན་རྟགས་བཀོད་ནི།

སྤྱི་ཚེས་ ༢༡/༡༠/༢༠༢༠ ལུ་ ཐིམ་ཕུག་ལུ་སྦེ་ འབྲུག་གཞུང་དང་འབྲུག་གི་བློ་གཏད་མ་དངུལ་ རང་བཞིན་གནས་སྟངས་ཉམས་སྲུང་གཉིས་ཀྱི་བར་ན་ རྒྱལ་ཡོངས་དགའ་སྐྱིད་དཔལ་འཛོམས་ལྷན་ཚོགས་ཡིག་ཚང་གི་དྲུང་ཆེན་ འཕྲིན་ལས་རྣམ་རྒྱཱལ་དང་ འབྲུག་གི་རང་བཞིན་གནས་སྟངས་ཉམས་སྲུང་གི་བློ་གཏད་མ་དངུལ་ལས་འཛིན་ བི་ཀྲི་ཨེཕ་སི་གི་མདོ་ཆེན་ངོ་ཚབ་ ཨྱོན་ལྷུན་གྲུབ་གཉིས་ཀྱིས་ ཕྱག་སྙིགས་འཛིན་སྐྱོང་གཙོ་རིམ་ལས་རིམ་གྱི་གྲོགས་རམ་མཆིངས་ཡིག་གུར་མཚན་རྟགས་བཀོད་གནང་ཡི། ནད་ཡམས་ཀོ་ཝིཌ་ ༡༩ གི་གདོང་ལེན་འབད་ཐབས་དང་འབྲེལ་བའི་གནད་དོན་ དེ་ལས་གཞུང་གིས་གཙོ་རིམ་གྱི་ཐབས་ལམ་ཚུའི་མཐའ་དོན་ལུ་ འབྲུག་གཞུང་ལས་གཙོ་རིམ་ཅན་གྱི་ལས་འགུལ་ ༢༠༢༠ ལུ་ མ་དངུལ་དགོཔ་གི་སྐོར་ལས་ཞུ་བ་ཕུལ་མི་ལུ་ འབྲུག་གི་རང་བཞིན་གནས་སྟངས་ཉམས་སྲུང་གི་བློ་གཏད་མ་དངུལ་ལས་འཛིན་ བི་ཀྲི་ཨེཕ་སི་གིས་ཁ་ཐུག་ལས་ སྔར་མེད་ཀྱི་རྒྱབ་སྐྱོར་མཛད་ནི་ལུ་ཁས་ལེན་འབད་དེ་ དངུལ་ཀྲམ་ས་ཡ་ ༨༥ གྲོགས་མཛད་གནང་ཡི། རྒྱལ་ཡོངས་དགའ་སྐྱིད་དཔལ་འཛོམས་ལྷན་ཚོགས་དང་ འབྲུག་གི་རང་བཞིན་གནས་སྟངས་ཉམས་སྲུང་གི་བློ་གཏད་མ་དངུལ་ལས་འཛིན་ བི་ཀྲི་ཨེཕསི་གི་བར་ན་ཞལ་འཆམ་བྱུང་མི་དང་འཁྲིལ་ཏེ་ མ་དངུལ་འདི་ཡང་རང་བཞིན་གནས་ཉམས་སྲུང་ནང་ལུ་བཏང་ནི་ཨིན་། དེ་ཡང་ འབྲུག་གི་རང་བཞིན་གནས་སྟངས་ཉམས་སྲུང་གི་བློ་གཏད་མ་དངུལ་ལས་འཛིན་ བིམསི་ཊེག་གི་ལཱ་འགན་དང་འབྲུག་གཞུང་གིས་གཙོ་རིམ་ལས་རིམ་ཚུ་དང་འཁྲིལ་ཏེ་ཨིན། མ་དངུལ་དེ་ཡང་ རྒྱལ་ཁབ་ཀྱི་ཕྱག་སྙིགས་ཀྱི་གཙོ་རིམ་ལས་རིམ་གྱི་དོན་ལས་བགོ་ཀྲམ་འབད་ཡོདཔ་ཨིན།  རང་བཞིན་ནགས་ཚལ་ ཤིང་སྣ་ སྲོག་ཆགས་ རི་དྭགས་སེམས་ཅན་ སྐྱེལ་ལྡན་གནས་སྟངས་རིམ་ལུགས་དང་སྐྱེལ་ལྡན་རིགས་སྣ་ཚུ་ཉམས་སྲུང་བརྒྱུད་དེ་ ཁ་གསལ་ཆེད་ལྷབ་ནི།

ངོ་འཛོམས་མཇལ་འཕྲད།

ད་རེས་ ་ སྤྱི་ཚེས་ ༢༠/༡༠/༢༠༢༠ ལུ་ བཀྲ་ཤིས་ཆོས་རྫོང་ནང་ལུ་ རྒྱལ་སྤྱིའི་མཉམ་འབྲེལ་གངས་རི་གོང་འཕེལ་ལྟེ་བའི་ ཡོངས་ཁྱབ་མདོ་ཆེན་ ཌག་ཀྲར་པདྨ་རྒྱ་མཚོ་གིས་ རྒྱལ་ཡོངས་དགའ་སྐྱིད་དཔལ་འཛོམས་ལྷན་ཚོགས་ཀྱི་དྲུང་ཆེན་དང་མདོ་ཆེན་གཉིས་དང་གཅིག་ངོ་འཛོམས་མཇལ་འཕྲད་མཛད་གནང་ཡི།

གནས་ཚུལ་གསར་བཏོན

དཔལ་འབྱོར་མཉམ་འབྲེལ་སྐོར་ འབྲུག་དང་ཇཱ་པཱན་གྱི་ལོ་བསྟར་གྲོས་བསྟུན་ཞལ་འཛོམས་ཐེངས་ ༡༥ པ།  དཔལ་འབྱོར་མཉམ་འབྲེལ་སྐོར་ འབྲུག་དང་ཇཱ་པཱན་གྱི་བར་ན་ལོ་བསྟར་གྲོས་བསྟུན་ཞལ་འཛོམས་ཐེངས་ ༡༥ པ་འདི་ སྤྱི་ཚེས་ ༣༠/༠༩/༢༠༢༠ ལུ་གློག་རིག་ཐོག་ལས་འགོ་འདྲེན་འཐབ་ཅི། གྲོས་བསྟུན་ཞལ་འཛོམས་འདི་ཡང་ ཕྱི་འབྲེལ་ལྷན་ཁག་ ཟུང་ཕྱོགས་ལས་ཁུངས་ཀྱི་མདོ་ཆེན་ བསོད་ནམས་སྟོབས་རྒྱས་ཀྱིས་འགོ་ཁྲིད་འབད་ཡི། ཇཱ་པཱན་གཞུང་གི་ཁ་ཐུག་ཁ་ལས་ ནིའུ་ལྡིལ་ལུ་ཇཱ་པཱན་གྱི་གནས་སྡོད་ཡིག་ཚང་ལས་ དཔལ་འབྱོར་གོང་འཕེལ་གྱི་བློན་པོ་ ཤིང་སྒོ་ མི་ཡ་མོ་ཏོ་གིས་འགོ་ཁྲིད་འབད་ཡི། ཇཱ་པཱན་རྒྱལ་སྤྱི་མཉམ་འབྲེལ་ལས་ལྡེའི་ཡིག་ཚང་ལྟེ་བ་དང་ འབྲུག་ལུ་ཇཱ་པཱན་གྱི་གཞུང་ཚབ་ཡིག་ཚང་གི་གཙོ་འཛིན་ངོ་ཚབ་ སྐུ་ཟོ་ ཝ་ཏ་ནཱ་བཱི་རྩིས་ཏེ་འགོ་དཔོན་ཚུ་གིས་ཡང་གྲལ་གཏོགས་མཛད་གནང་ཡི། རྒྱལ་ཁབ་གཉིས་ཀྱིས་ཁ་ཐུག་ལས་ ཇཱ་པཱན་གཞུང་གི་འབྲུག་རྒྱལ་ཁབ་ལུ་གྲོགས་རམ་གྱི་གནས་རིམ་ ཟུང་ཕྱོགས་གོང་འཕེལ་གྲོགས་རམ་གྱི་སྐོར་ལས་བརྟག་ཞིབ་ ༢༠༢༠ དགོ་པའི་ཁར་ལུ་ གཞན་མཉམ་འབྲེལ་གྱི་སྐོར་ལས་ཡང་གྲོས་བསྟུན་མཛད་ཡི། དོ་རུ་ཡང་རྒྱལ་ཁབ་གཉིས་ཀྱིས་ཁ་ཐུག་ལས་ ད་ལྟོ་ལག་ལེན་འཐབ་པའི་བསྒང་ཡོད་ཡོད་མི་ལས་འགུལ་ཚུ་ཡང་བསྐྱར་ཞིབ་འབད་དེ་ འབྲུག་གཞུང་གིས་གཙོ་རིམ་ལས་འགུལ་སྦེ་ཕུལ་མི་འདི་གུར་ལུ་གྲོས་བསྟུན་མཛད་གནང་ཡི། དེ་ཡི་ནང་དོན་ཉིད་ལས་ཡང་འབྲུག་གིས་ཁ་ཐུག་ལས་ལོ་ལྔ་འཆར་གཞི་ ༡༢ པའི་གྲུབ་འབྲས་སྙན་ཞུ་ཡང་སྤྱན་འབུལ་ཕུལ་ཡི། འབྲུག་དང་ཇཱ་པཱན་གྱི་བར་ན་དཔལ་འབྱོར་མཉམ་འབྲེལ་གྱི་ལོ་བསྟར་གྲོས་བསྟུན་ཞལ་འཛོམས་འདི་ སྤྱི་ལོ་ ༢༠༠༦ ལུ་གཞི་བཙུགས་འབད་མི་འདི་གིས་ ཁ་གསལ་ཆེད་ལྷབ་ནི།

འབྲུག་རྒྱལ་ཁབ་ནང་ལུ་ བཟོ་སྐྲུན་ལས་སྡེའི་ནང་ སླར་འབྱུང་ནུས་ཤུགས་དང་ནུས་ཤུགས་འཕྲུལ་རིག་ཡར་དྲགས་བཏང་ནིའི་དོན་ལུ་ ཨཱས་ཊི་ཡ་གི་ཡུ་རོ་ས་ཡ་ ༡.༡ (དངུལ་ཀྲམ་ས་ཡ་ ༩༣) ཁས་ལེན་འབད་ཡི།

རྒྱལ་ཡོངས་དགའ་སྐྱིད་དཔལ་འཛོམས་ལྷན་ཚོགས་ཀྱི་དྲུང་ཆེན་ ངོམ་ འཕྲིན་ལས་རྣམ་རྒྱལ་དང་ ཐིམ་ཕུག་ལུ་ཡོད་པའི་ ཨཱས་ཊི་ཡཱན་གོང་ཡིག་ཚང་གི་འགོ་འཛིན་ མཁས་དབང་ ཇཱོན་ བིན་གྲར་ གཉིས་ཀྱི་བར་ན་ སྤྱི་ཚེས་ ༡༦/༠༧/༢༠༢༠ ལུ་ བཀྲ་ཤིས་ཆོས་རྫོང་ནང་ལུ་ ཡུ་རོ་ ༡.༡ དངུལ་ཀྲམ་ས་ཡ་ ༩༣ འབྲུག་རྒྱལ་ཁབ་ནང་ལུ་ བཟོ་སྐྲུན་ལས་སྡེའི་ནང་ སླར་སྤྱོད་ནུས་ཤུགས་དང་ནུས་ཤུགས་འཕྲུལ་རིག་ཡར་དྲགས་བཏང་ནིའི་དོན་ལུ་གན་ཡིག་གུར་མཚན་རྟགས་བཀོད་གནང་ཡི། རྒྱབ་སྐྱོར་འདི་གིསབཟོ་བསྐྲུན་ལས་སྡེ་ནང་ ནུས་ཤུགས་ཐབས་ལམ་གཞི་བཙུགས་བརྒྱུད་དེ་ འབྲུག་རྒྱལ་ཁབ་ནང་ལུ་མ་འོངས་པའི་མཐའ་དོན་གྱི་སླར་སྤྱོད་ནུས་ཤུགས་ཀྱི་གདམ་ཁ་མང་ཤོས་བཟོ་ཚུགས་པའི་ཁར་ནུས་ཤུགས་གསོག་འཇོག་འབད་ཐབས་ལུ་ཡང་ཁེ་ཕན་འབྱུང་ཚུགསཔ་ཨིན། དེ་བཟུམ་སྦེ་ར་ ལས་འགུལ་འདི་གིས་ གཙུགས་སྡེའི་རང་བཞིན་སླར་འབྱུང་ནུས་ཤུགས་དང་བཟོ་རིགས་ཞབས་ཏོག་ཚུའི་ལྕོགས་གྲུབ་སྒྲིང་སྒྲིང་བཟོ་འདི་ ད་ལྟོ་ཡོད་པའི་བཟོ་བསྐྲུན་ལས་སྡེ་ནང་ནུས་ཤུགས་ཀྱི་ཐབས་ལམ་གུར་ ཉིན་དྲོད་ལས་བརྟེན་པའི་ཆུ་དྲོད་བཏགས་ནིའི་རིམ་ལུགས་དང་ འཇོན་ཐངས་ཅན་གྱི་རང་བཞིན་གྱི་ནུས་ཤུགས་ལག་ལེན་འཐབ་ནི་ལུ་ཡང་ཁེ་ཕན་འབྱུང་ཚུགསཔ་ཨིན། རྒྱབ་སྐྱོར་དང་གྲོགས་རམ་དེ་ལས་བརྟེན་ སྡོད་ཁྱིམ་གུང་གྲངས་ ༡༠ ཚོང་ལས་ཁང་ ༡༠ དེམ་ཅིག་ལུ་ཁྱིམ་ཐོག་བཀབ་བྱིན་ནི་དང་ བཙུགས་སྡེ་ ༢༥ ལུ་ ཉིན་དྲོད་ལས་བརྟེན་པའི་ཆུ་དྲོད་བཏགས་ནིའི་རིམ་ལུགས་བཙུགས་བྱིན་ནི་ཨིན། མི་མང་གི་སྒྲིང་ཁྱིམ་གཅིག་ནང་ལུ་ འཇོན་ཐངས་ཅན་གྱི་ནུས་ཤུགས་ཀྱི་ཐབས་ལམ་གཞི་བཙུགས་འབད་ནི། ལག་བཟོཔ་ ཆུ་དུང་བཅོ་མི་ པག་ཅུ་རྩིག་མི་ རྡོ་བཟོཔ་ ཁ་གསལ་ཆེད་ལྷབ་ནི།